8:47 ص

قصة كوميدية في الباكالوريا


العام كامل وهي تتسارى مع صاحبتها سُميَّة .. تمشي فالصباح معطلة وتغيّْب فالعشية .. مرَّة فعين الذياب ومرة فالمهدية .. حتى الحفاظة قليل فين تحفظ هيَّ .. الرَّاس خاوي ما فيه لا عربية لا فرونصي ولا تربية إسلامية .. وفالدَّار ماتغسل كيسان ماتوجّْد صينية .. حياتها مشات غي مسلسلات تركية .. وقِصص غرامية .. كل نهار لبسة تقول نتا هادي بنت رئيس الولايات المتحدة الأمريكية .. لي جا يخطبها تقول ليه غي بعْد عليَّ .. انا تلميذة ذكية .. بغيت نكمل قرايتي ونولِّي طبيبة ولا مهندسة معمارية .. قرب الإمتحان الناس تحفظ فكل مكان وهي تتسنط للأغاني الشرقية .. نهار الموحّد حطات فالورقة غي السميَّة .. وعرفات راسها حماضت عليها القضيَّة .. هاااه حصلتي آ بنت الحاج ٫٫ الناس نجحو ونتي عندك الراطراپاج .. وما بقا عندك وقت الزغبية .. وماغادي تنفعك لا صاحبتك الضاوية ولا صفيَّة .. دابا آش ديري واش تحفظي وتوجدي للإستدراكية .. ولا تعاوني ماماك فالشبَّاكية .. ها نتي مشيتي لا مُعدّل زويين ولا عرَّاسية .. !!

شارك (ي) الموضوع عبر الأزرار الإجتماعية ↓

1 تعليقات:

بتعليقكم في هذه الخانة سيتم ارسال إشعار لنا وسنتمكن من الرد عليكم بسرعة